احنا شعب فقير ولا غني ولا الاتنين

بستغرب من حالة التناقض اللي احنا بقينا عليه . كل يوم نقرا في الصحف و نشوف في البرامج ناس

ناس بتتكلم عن الغلاء و اني الاسعار بقيت غالية جدااا و اني الناس مش معاها فلوس تشتري حاجة.

و تنزل الشارع تلاقي ميه محشورين في اتوبيس ولا مكروباص و ناس عايشة في شقق ممكن تقول عليه

عشش فراخ.

من ناحية تانية بقي تبص تلاقي البلد مليانة عربيات احدث موديل و موبايلات اخر حاجة .

و اعلانات عن مدن في الساحل الشمالي و الشيبسي و الاراضي اللي بتتباع في كل حته في مصر.

حاسس اني بقي في مصر لتبقي تكون غني اوي لما فقير اوي مفيش طبقة متوسطة بقيت ماضي

يعني رجعنا زي ايام الملك فاروق كده

الحب انتهي ولا لسه

معظم الناس الايام دي كل ما تيجي تتكلم في الحب تقول خلاص مبقاش في حب في الزمن ده .
بس ياتري كلامهم ده صح ولا غلط و العيب في مين . فينا ولا في الزمن و الاتنين.

انا شايف اني الزمن ملوش دعوة بالموضوع ده لاني اعظم قصص الحب حصلت في اصعب الازمان
احنا السبب بنجيب وجع القلب لنفسنا .
. معظم الناس بقي الارتباط عندهم شئ سهل و برضة الانفصال بقي شئ سهل . من حق كل واحد فينا انه يحب بس كتير منا للاسف بيخلط بين الاعجاب و الحب .

. مش معني اني اعجبت بحد اني بحبه في فرق كبير . معظم الناس من كتر فكرة الارتباط سهل بالنسبة ليهم ارتبطوا بناس ماكنوش بيحبوهم فعلا او كان كانو عارفين من اول الارتباط انه غلط او مش هيكمل و برضة استمروا.

و النتيجة انهم فقدوا قيمة مشاعر الحب و كرهوا الحب . و بدؤا بقي يقوله العيب علي الزمن و الناس لكن
للاسف العيب فينا احنا .
. مش معني كده اننا نبطل نحب لا كده نبقي غلط . لكن لما نحب شخص نحب بقلبنا و عقلنا معا مش قلبنا بس دا لوعاوزين ارتباط حقيقي
. و ياريت مشاعر الحب اللي جوانا نعرف نستخدمها صح يعني نحب الله و نحب اصدقائنا و الناس ونحب الحياة .
لاني الحب كلمة كبيرة ياريت نفهمها صح

لسه الحلم ممكن يتحقق

ايوة لسه الحلم ممكن يتحقق .مهما وقفت قصادك الدنيا بردة لازم
نعاندها و نحقق اللي بنحلم بيه

. حاول مرة و اتنين و تالتة و اوعي تبطل تحاول لغاية ما توصل لحلمك.لو استسلمت هتخسر كتير اوي

. ممكن تكون خسارة معركة لكن لسه مخسرتش الحرب مع الحياة . حاول تبقي احسن و ده هيبتدي بعلاقتك مع الله

. الانسان اللي بيكون بعيد عن الله بيكون مش مرتاح حاسس اني فيه حاجة ناقصة شعوره بالامان بيختفي

. صلي للربنا بس لما تصلي صلي من قلبك بجد مش كانك بتادي فرض انتا مجبر عليه

. حب نفسك علشان تقدر تحب الناس للاسف في ناس كتير كاره نفسها مع اني الحياة جميلة لانها هبه من الله

. اوعي تقول لنفسك انا فاشل او مقدرش احقق اللي بتمناه لا انتا تقدري تقدر تكون الانسان اللي بتحلم بيه

. الحياة جميلة ياريت منضيعش منها ولا دقيقة .